الفرق بين Front-end و Back-end و Full-Stack - شرح مبسط للمبتدئين

تعرف على الفرق بين Front-end و Back-end و Full-Stak

مع التطور السريع في مجال التكنولوجيا، وخاصة في مجال تطوير وبرمجة المواقع الإلكترونية، انقسم هذا المجال إلى ثلاثة مجالات رئيسية:

• Front-end: أو ما يُعرف بتطوير الواجهة الأمامية للموقع. 
• Back-end:  أو ما يُعرف بتطوير الواجهة الخلفية للموقع.
• Full-Stack: أو ما يُعرف بالتطوير الشامل للموقع.

في هذا المقال، سنتعرف على الفرق بين هذه التخصصات، وما هي المهام التي يقوم بها كل مطور في هذه المجالات، وما المهارات المطلوبة لكل منها.

الفرق بين Front-end و Back-end و Full-Stack - شرح مبسط للمبتدئين

ويُعد فهم هذه الفروقات خطوة أساسية لكل من يرغب في دخول عالم البرمجة أو تطوير المواقع، فاختيار المسار المناسب يعتمد على اهتماماتك ومهاراتك التقنية، دعنا نبدأ بالتعرف على كل تخصص على حدة، لنساعدك في تحديد الطريق الأنسب لك.

ما الفرق بين frontend و backend و full stack ؟

يظن بعض الناس أنه لا يوجد فرق بين Front-end و Back-end و Full-Stack ولكن يوجد فرق كبير جدا بينهم، دعونا نتعرف معا على كل مجال وأهميته في عالم الويب.

أولا Frontend:

مطور الواجهة الأمامية (Frontend Developer) هو المسؤول عن تصميم وتنفيذ كل ما يراه المستخدم عند تصفحه للموقع، مثل الألوان والخطوط والأيقونات والخلفيات، بالإضافة إلى تنسيق المحتوى وشكل الصفحات.

يهدف هذا الدور إلى تقديم تجربة مستخدم جذابة وسهلة الاستخدام من خلال واجهة تفاعلية وأنيقة.

ثانيا Backend:

مطور الواجهة الخلفية (Backend Developer)، فهو المسؤول عن كل ما يحدث خلف الكواليس في الموقع، أي الأجزاء التي لا يراها المستخدم ولكنها ضرورية لعمل الموقع بشكل صحيح.

يشمل ذلك إدارة قواعد البيانات، معالجة الطلبات، تنظيم البيانات، والتعامل مع الخوادم.

ببساطة، هو من يضمن أن كل شيء يعمل بسلاسة بمجرد أن يتفاعل المستخدم مع الواجهة الأمامية.

 

ثالثا Full Stack:

مطور الـ Full Stack هو الشخص القادر على التعامل مع كلا من الواجهة الأمامية (Frontend) والواجهة الخلفية (Backend) لتطبيق الويب.

بمعنى آخر، هو مطور شامل يمتلك المهارات التي تمكّنه من تصميم واجهات المستخدم وتنسيقها، وفي نفس الوقت يمكنه بناء قواعد البيانات، وإعداد الخوادم، وكتابة منطق التطبيق الخلفي.

يتمتع مطور الـ Full Stack بفهم عميق لكامل دورة تطوير الموقع، مما يجعله قادرًا على تنفيذ مشروع متكامل من البداية إلى النهاية.

هذه المهارة تعتبر ميزة قوية خاصة في المشاريع الصغيرة أو الفرق التي تحتاج إلى مرونة في الأدوار.

ما هي لغات الفرونت اند؟

لكي تصبح مطور واجهة أمامية (Frontend Developer)، تحتاج إلى تعلم مجموعة من لغات وتقنيات التصميم والبرمجة التي تُستخدم في بناء واجهات المستخدم.

من أبرز هذه اللغات والتقنيات:

1. HTML: لبناء هيكل صفحات الويب.
2. CSS: لتنسيق وتجميل مظهر صفحات الويب.
3. JavaScript: لاضافة الحركة والتفاعل الديناميك في الصفحة.
4. TypeScript:  نسخة مطوّرة من JavaScript تساعد على كتابة كود أكثر تنظيمًا وأمانًا.
5. TailwindCSS: إطار عمل للغة CSS.
6. Recat.js: مكتبة JavaScript شهيرة لبناء واجهات المستخدم بشكل ديناميكي.
7. Redux.js: مكتبة لإدارة الحالة في تطبيقات React بطريقة منظمة.

هذه المهارات تمثل الأساس الذي يبني عليه مطور الواجهة الأمامية خبراته وأعماله.

ما هي لغات الباك اند؟

فيه كذا لغة ممكن تستخدمها في تطوير الـ Back-end، ودي أشهرهم:

• بايثون – Python: من أسهل اللغات اللي ممكن تبدأ بيها، بتشتغل مع فريمورك زي Django و Flask وبتخليك تطور ويب أبليكيشن بسرعه وسهوله.
• PHP: لسه شغاله ومستخدمة جدًا خاصة في مشاريع زي ووردبريس وكتير من المواقع القديمة.
• جافا – Java: دي لغة قوية جدًا ومستخدمة في التطبيقات الكبيرة زي البنوك والأنظمة الحكومية.
• Node.js: دي مش لغة.. دي بيئة تشغيل للـ JavaScript لكن بتخليك تكتب كود Back-end بلغة فرونت اند أصلا! وده شيء عبقري للمبرمجين اللي بيحبوا يشتغلوا JavaScript بس.
• Ruby: مش مشهورة في الوطن العربي، بس بره عندها شعبية خصوصًا مع إطار عمل اسمه Ruby on Rails.
• Go – Golang: سريعة ومناسبة جدًا لو بتشتغل على مشاريع فيها ضغط كبير وعدد مستخدمين ضخم.

طيب إزاي أختار اللغة الصح؟

بصراحة مفيش حاجه اسمها لغة أفضل من التانية
كل لغة ليها ميزة.. وليها مكانها

لو إنت أصلاً شغال في Front-end وعايز تبدأ تتوسع وتبقى Full-Stack، يبقى Node.js ممكن تكون مناسبة ليك لأنك غالبًا فاهم JavaScript كويس

لو ناوي تشتغل على مواقع جاهزة زي ووردبريس؟ يبقى PHP هي الصح

لو نفسك تشتغل في شركات كبيرة أو تطبيقات فيها تعقيد؟ جرب Java أو Python.

أيهما أفضل front end و backend؟

الناس اللي لسه داخله مجال البرمجة دايمًا بتسأل السؤال ده
هو أنا أبدأ أتعلم إيه؟
أدخل في التصميم بتاع المواقع ولا أركز على الشغل اللي ورا الكواليس؟
طب إيه الفرق أصلًا ما بين Front-end و Back-end؟ وهل في واحد أحسن من التاني؟
ولا نلم الدنيا كلها ونبقى Full-Stack؟

تعالى كده نفهم الدنيا ببساطه

بص خليني أقولك حاجة
لو بتحب التصميم وشايف نفسك بتحب الألوان وترتب الحاجات
يبقى الـ Front-end هيعجبك

لو بتحب الشغل المنطقي، وتحب تفكر وتشتغل في حاجات مش واضحة للناس
يبقى الـ Back-end أنسب ليك

ولو مش عارف تختار
جرب أسبوع كده تتعلم في الـ Front-end
وشوف الأسبوع اللي بعده تدخل على الـ Back-end
وإنت بنفسك هتحس إنت مرتاح فين.

طيب السوق محتاج إيه؟

الطلب في السوق دايمًا بيكون عالي على الناس اللي بتعرف تشتغل Front-end و Back-end
بس الشركات الكبيرة دايمًا بتحب الناس اللي تقدر تمسك المشروع من أوله لآخره
يعني الناس اللي بتعرف تعمل Full-Stack Development

بس خلّي بالك
الأهم من التخصص
هو إنك تكون شاطر فعلاً في اللي بتعمله

خلاصة الكلام

مفيش حاجة اسمها مين أحسن
فيه حاجة اسمها إنت ميولك لإيه
الـ Front-end محتاج شوية فن وذوق
الـ Back-end محتاج دماغ مرتبة ومنطقية
أما الـ Full-Stack فهو للأبطال اللي بيحبوا يمسكوا كل حاجة بإيدهم

خدها خطوة بخطوة
المهم تبدأ
وتمشي في اللي يريحك.

الخاتمة: بعد كل اللي قلناه عن Front-end و Back-end و Full-Stack، المفروض تكون الصورة وضحت شويه

يعني لو إنت بتحب تشتغل على شكل الموقع، الألوان، الحركة، وكل حاجة الزاير بيشوفها أول ما يدخل… يبقى غالبًا شغلك في الـ Front-end
لكن لو دماغك رايحة أكتر لحل المشاكل، الداتا، والسيرفرات، وتفاصيل بتحصل ورا الكواليس من غير ما حد يحس، يبقى الـ Back-end هي منطقتك

ولو حابب تكون ما بين دا ودا… بتلم الاتنين في بعض، يعني تبقى Full-Stack وتشتغل في واجهة الموقع ووراها كمان، يبقى أنت رايح على طريق التميز بس خليك جاهز تتعلم كتير وتواجه تحديات من كل لون

في الآخر مفيش طريقه صح أو غلط… كل واحد بيبدأ من حته وبيمشي في سكه تناسبه
المهم تبتدي وتكمل
جرب، خبط، إغلط، إتعلم
كل سطر كود هتكتبه هيقربك خطوة من الحلم.

ونتمنى للجميع الخير والتوفيق والنجاح.